Ikasturte berriari begira

Ikasturte berriari gogo berrituekin ekingo diogu, aurreko ikasturtean ongi egindakoa hobetuz eta okerrago atera zirenak zuzentzen saiatuz.
Honatx ohar garrantzitsu batzuk lanean hasteko, berrientzat nola funtzionatzen dugun jakin dezaten eta gainontzekoentzat gogoratzeko baino ez.
ORDENAGAILUA

• Ikasle bakoitzak ordenagailu bat izango du. Lehen saioan banatuko dira, baita erabiltzeko behar diren pasahitzak.
• Pizterakoan, erne egon eta Ubuntu sistema eragilea hautatu. (Windows ere erabili daiteke, baina gelako lana egiteko Ubuntu erabiliko dugu).
• "Hasi saioa" agertzen denean, norberaren erabiltzaile izena ("ik123" itxura du), eta segidan pasahitza ("az1234") itxurakoa.
• Ikasleak ordenagailua erabiltzerakoan nabaritzen dituen gorabeherak berehala jakinaraziko dizkio irakasleari.
• Ordenagailuaren hasierako ezarpenak aldatzeko baimena eskatu beharko zaio irakasleari.

KONTUA

• Bakoitzak posta elektroniko helbide bat izango du, "ik123@lezoinstitutua.net" itxura izango duena, eta pasahitza bat, "az12341234" itxurakoa. Posta helbide hori Gmail aplikazioa erabiliz kudeatzen da. Google kontu bat denez, gainontzeko aplikazioak ere pasahitza hauekin erabili daitezke.
•  "lezoinstitutua.net" domeinuko kontuen kudeaketa (erabiltzaileak, pasahitzak...) Lezo Institutuaren ardura da.

TRESNAK

• Classroom: Gizarte Zientziak arloan egin beharreko lanak (jarduerak, epeak eta abar) Classroom aplikazioaren bitartez egingo dira. Aplikazio hau soilik institutuko kontuarekin erabili daiteke.
• Gizarteko biltegia: Izena dioen bezala, wiki honetan Gizarte arloan lan egiteko material gehiena bilduta dago: liburu digitala, eskemak, jarduerak, jarduera osagarriak, egokitzapenak..., mailaka eta gaien arabera antolatuta.
• Gizarteko bloga: Blog hau eguneroko lanean laguntza tresna bat izan nahi du, oharrak egiteko, gelan lantzen ari garenarekin loturiko bideoak ikusteko, eta abar.
• Testu-liburua: Gelan ez dugu testu-libururik erabiliko, baina norbaitek etxean liburua eduki nahiko balu irakasleari eskatu.

OHITURAK
Lehen egunetik oinarrizko ohitura batzuk finkatuko ditugu:

• Puntualitatea (saioak hasteko, epeak...)
• Materiala zaindu (liburua, ordenagailua, mahaia, koadernoa...)
• Komunera saioa hasi aurretik joan behar da.

EBALUAZIOA

• Ebalualdian egindako jardueren batez besteko balorazioa: 8 puntu
• Jarrera orokorraren balorazioa: 2 puntu