1. "Lurraren osaketa"

1. Lurraren sorrera

• Gas eta hautsez osatutako hodei bat uzkurtu egin zen Eguzkia sortu arte.
• Hodei handi haren beste zati batzuek planetak agerrarazi zituzten.
• Lurrean, nikelak eta burdinak osatu zuten nukleoa, eta gainean, harri urtuz osatutako ozeanoak zeuden.
• Orain dela 4.000 milioi urte inguru hasi zen Lurraren gainazala osatzen.
• Gainazala gero eta zabalagoa egin zen eta sumendiek gasak jaurtiki zituzten atmosferara.
• Ur-lurrunaren kondentsazioak ozeanoak agerrarazi zituen.

2. Lurraren geruzak

• Atmosfera, gasez osatutako geruza da.
• Hidrosfera, uraz osatutako geruza da (itsasoak, ozeanoak, lakuak, ibaiak, lur azpiko urak).
• Litosfera, geruza solidoa da. Bi geruza ditu: Lurrazala (kontinenteak, irlak eta ozeanoetako hondoa osatzen dituena), eta goi-mantua.
• Mantua. Harri solidoez osatuta eta maila sakonetan material urtuak.
• Nukleoa:

• Kanpoko geruza: burdina eta nikela isurkari egoeran
• Barruko geruza: 6.000 ºC baino gehiagoko tenperatura.

3. Lurreko plakak

• Bai kontinenteak eta baita itsaso eta ozeanoen hondoak ere plaka tektonikoak deritzen plaka gotor batzuen zati dira.
• Hogei plaka inguru bereiz daitezke, horietako sei handiak.
• Plaka bakoitza kontinente batek (edo zati batek), eta itsaso edo ozeano baten hondoak (edo horien zati bat) osatzen dute.
• Plaka bakoitza ertzek mugatzen dute. Ertz batzuek besteekin talka egiten dute, elkarri bultzatzen diote edo irrist egiten dute. Horregatik, lurrikarak eta sumendiak.

4. Kontinenteak eta ozeanoak

• Kontinenteak: urgaineratutako lurralde zabalak dira, ozeanoz eta itsasoz inguratuta daudenak.
• Pangea: Duela milioika urte kontinente guztiek kontinente bakarra osatzen zuten. Denborak aurrera egin ahala Pangea hausten hasi eta sortutako lur-zatiak mugitzen jarraitzen dute.