1. "Lurra, eguzki-sistemako planeta"

• Unibertsoa:

Duela 15.000 milioi urte inguru gertatutako leherketa handi (big-bang) baten ondoren sortu zen.

Une hartan dena nukleo kondentsatu batean bilduta zegoen eta, lehertu eta gero materia zabaldu egin zen, izar, planeta eta, azkenik, bizi bihurtu zen.

• Galaxiak:

Galaxia bat gune baten inguruan biraka dabiltzan ehunka edo milaka milioi izarren multzo bat da.

Esne Bidea, Santiago Bidea izenaz ere ezagutzen dena, Eguzkia barne hartzen duen galaxia da.

• Izarrak:

Izar bat gas beroz osatutako gorputz handi bat da, hidrogenoz eta helioz nagusiki; gas horiek oso konprimituta daude izarraren barnean eta erreakzio nuklearrak gertatzen dira.

Erreakzio horien ondorioz, argia eta beroa sortzen duen energia ugari askatzen du.

Izarrik handienak, superrerraldoiak: Eguzkia baino 400 aldiz handiagoa izan daiteke.

Izar txikienen, nano zuriak: Eguzkiarena baino ehun aldiz txikiagoa izan daiteke.

Distiratsuenak Eguzkia baino milioi bat aldiz distiratsuagoak izan daitezke eta nano zuriek, berriz, Eguzkiak baino mila aldiz distira txikiagoa izan dezakete.

Begiekin ikus daitezkeen izarren kopurua 8.000 ingurukoa da, 4.000 hemisferio bakoitzetik.

Batzuetan, izar-talde txikiek zeruan marrazkiak osatzen dituztela ematen du; irudi horien izena konstelazioa da.

• Espazio-ikerketa :

• Espaziotik iristen zaizkigun irradiaziotik eta uhinetatik lortutako informazioa funtsezkoa da.
• Lurreko gainazaletik irrati-teleskopioek jasotzen dituzte irrati-uhinak.
• Espaziotik koheteei esker zundak, sateliteak eta tripulatutako ontziak bidal daitezke.